Электронды журнал бойынша ақпараттық семинар

Президентіміз Қасым-Жомарт Кемелұлы Тоқаевтың жолдауында айтылғандай, қазір білім сапасын арттыру, оның ішінде білім беру ұйымдарын цифрландыру мәселесіне ерекше көңіл бөлініп отыр.

«Бүгінде цифрландыру үрдісі қызметтің барлық дерлік салаларындағы негізгі даму векторларының бірі болып табылады. Білім беру жүйесі де ерекшелік емес. Қазіргі уақытта елімізде және әлемде «цифраға» назар аудара отырып, жаңа тәсілдер енгізіле бастады».

Компьютерлік сауаттылық пен kundelik.kz жүйесі бойынша білімді растау және сапалы ету мақсатында ағымдағы оқу жылынан бастап «Kundelik.kz жұмысының белсенділік бақылауы» деректер базасына бірнеше есеп блоктарын қамтитын «Сандық қызметтер» бөлімі қосылды. Олардың кейбіреулері («Сандық мұғалім» және «Мектеп мәзірін толтыру») 2022-2023 оқу жылының басынан бастап «Мектептердің белсенділігі» туралы есепке әсер етеді және міндетті болады.

Белсенділік бақылауы базасында «Сандық мұғалім» көрсеткішін енгізудегі мақсат – мұғалімнің kundelik.kz жүйесі бойынша білімінің сапасын және жалпы цифрлық сауаттылығын анықтау.