«Ұланымыз Ұлы Елдің!»

№43 орта мектеп Тараз қаласы Рахимова №55 мәдениет октябрь айының 17-і күні ІІІ«Ұланымыз Ұлы Елдің!» атты «Жас Ұлан» бірыңғай балалар мен жасөспірімдер ұйымының көшбасшылары арасындағы қалалық форумына 2 «ә» сынып оқушысы Бахберген Мирас қатысты. Форум мақсаты:  өскелең ұрпақтың бойында патриоттық сезімді, білім мен өзін-өзі жетілдіруге ұмтылысты, іске жауапкершілікпен қарауды, ел тарихына, Тәуелсіз Қазақстанның бүгіні мен болашағына қатыстылықты қалыптастыру.

 Жасөспірімдердің қоғам өмірінде белсенділігін арттыру, балалар қозғалысының өзекті мәселелерін шешудегі бірлескен әрекеттерді шоғырландыруға бағытталған және балалар мен жасөспірімдер ұйымдарының өкілдері арасында ынтымақтастықты ұйымдастыруға көмек беру мақсатында Тараз қаласының білім бөлімі және оқушылар сарайының ұйымдастыруымен бірыңғай «Жас Ұлан» балалар мен жасөспірімдер ұйымының көшбасшылары арасында ІІІ «Ұланымыз ұлы елдің!» атты қалалық форумы өткізілді.

Бүгінгі салтанатты қабылдау рәсіміне оқу озаттарын, түрлі ғылыми олимпиадалар мен байқаулардың жеңімпаздарын, мектеп белсенділерін, халықаралық, Республикалық, облыстық, қалалық байқаулардың жеңімпаздарын Тараз қаласынан 30 жасұландықтар және 35 жас қырандықтар, барлығы 65 оқушы қабылданды.

Мерекелік іс-шара кереметтей бишілердің биінің орындалуымен бастау алып, марапаттау рәсімімен жалғасып, түрлі патриоттық әндермен және мектеп аға тәлімгерлерінің шығармашылық орындауымен өз жалғасын тапты.

Мерекеміздің құрметті қонақтары оқушыларды бүгінгі атаулы мерекемен құттықтап, «Жас Ұлан» ұйымына қабылданатын белсенді оқушыларымызға «Жас Қыран» және «Жас Ұлан» төсбелгісін және галстугын салтанатты түрде табыстады. Тараз қаласы білім бөлімінің әдіскері Алиева Марина Гусейновна жасұландықтарды құттықтап, «Жас Ұлан» балалар мен жасөспірімдер қозғалысын дамытып, ұлтжандылық пен отансүйгіштік қасиетке тәрбиелеуде қосқан үлестері үшін аға тәлімгерлерді құрмет грамотасымен марапаттады.

Өркениетке бет бұрған еліміздің жастары – ертеңгі мемлекет тірегі. Қоғамға ең басты қажеттілік – жастардың ертеңіне деген сенім мен үміт. Заманауи Қазақстанның ұлтжанды, рухы биік, білімді, жаңашыл жасұландықтар алдағы уақытта ел сенімін ақтайтыны сөзсіз .