Ардагерлер- асыл қазынамыз!

№43 орта мектебінде айтулы күн болды. Осы мектепте жас өспірімдерді білім нәрімен сусындатқан ардақты ұстаздар,бүгінгі күні зейнетке шығып, ардагер атанған  апайлар қонақта болды. Олардың жиналу себебі,Ардагерлер- асыл қазынамыз деп айтқандай дидарлы кездесу болды. Мектептің бастауыш ардагерлер кеңесінің мүшелері кездесіп, төрайым Жетібаева Сауле Ережепбайқызының есеп беру баяндамасын тыңдады. Жыл бойы ардагерлермен жасалған жұмыстар қорытындыланып, жаңа оқу жылына жоспарлар қабылданды. Үнемі мектеп әкімшілігінің назарында жүрген ардагер лер өз ойларын ортаға салып,қалалық ардагерлер кеңесіне өз ұсыныстарын жасады.Жиналыстың жұмысына қалалық ардагерлер кеңесінің тұрақты мүшелері Рысбаева Ардақ,Ералиева Несібелі және мектеп директоры Сегизбаева Раушан Жанасбековна қатысты.