"Мектебім-мейірім мекені"

№43 орта мектебімізде  1-қыркүйек - Білім күніне орай өткізілген "Мектебім-мейірім мекені"тақырыбында салтанатты жиын өткізілді.

Мақсаты:өскелең ұрпақтың бойына еңбекқорлық, Отансүйгіштік, парасаттылық, патриоттық  қасиеттерін қалыптастыру.

Жаңа оқу жылы еліміздің білім беру жүйесінде бірқатар жаңашылдықтармен басталып отыр. Мемлекет басшысы Қасым-Жомарт Кемелұлы Тоқаев Жолдауында білім саласының сапасын арттыру, заманауи цифрлық технологияларды енгізу, жасанды интелектті меңгеру, педагогтің беделін арттыру сынды тапсырмалар берген болатын. Бұл-жаңа ғасыр талабына бейімделген ұрпақ тәрбиелеу жолындағы "Адал азамат" біртұтас тәрбие бағдарламасының аясындағы жауапты әрі маңызды миссия.

Алғашқы құттықтау сөзін мектеп директоры Р.Ж. Сегизбаева сөйледі, оқушыларға сәтті қадам тілеп, жаңа 2025-2026 оқу жылын табысты аяқтауға тілек білдірді. 1-11 сынып оқушыларының қатысуымен өткен жиынның қадірлі қонағы: Мектебіміздің қамқоршылық кеңес төрайымы Жантілесова Майра Байырхасымовна оқу жылына жаңа жетістіктер тілей отырып,ізденімпаз  бүлдіршіндерге жылы лебіздерін білдірді.

Салтанатты жиын шәкірттердің өнерімен,білім ордасына қадам басқалы отырған бүлдіршіндердің жыр шумақтарымен, қоңыраудың күмбірлі үнімен жалғасты.